సరిగమలు (1994) - స్వర రాగ గంగా భవాని

వినీత్, రంభ నటించిన "సరిగమలు" (1994) ఒక మంచి కళాత్మకమైన, సంగీత ప్రధాన  సినిమా. పాటలు బాగుంటాయి.. అందులో ఒకటి "స్వర రాగ గంగా భవాని".

చిత్రం : సరిగమలు (1994)

రచన : వేటూరి
సంగీతం : బాంబే రవి

గానం : ఎస్.పి.బాలు, చిత్ర

పల్లవి:
    ప్రవాహమే... గంగా ప్రవాహమే...
    స్వరరాగ గంగా ప్రవాహమే అంగాత్మ సంధాన యోగమే
    ప్రాప్తే వసంతేతికాలికే పలికే కుహు గీతికా
    గాన సరసీరుహ మాలిక

    స్వరరాగ గంగ ప్రవాహమే..

చరణం 1:
    కుండల లోపల నిండిన నింగిలో ఉరిమెను మేఘం ఇన్నాళ్ళకి
    పిల్లనగ్రోవిలో పిలవని మోవిలో కురిసెను రాగం ఈనాటికి
    మట్టింటిరాయే మాణిక్యమైపోయే సంగీత రత్నాకరానా
    స్వరసప్తకాలే కెరటాలు కాగ ఆ గంగ పొంగింది లోన....

    స్వరరాగ గంగా ప్రవాహమే అంగాత్మ సంధాన యోగమే
    ప్రాప్తే వసంతేతికాలికే పలికే కుహు గీతికా
    గాన సరసీరుహ మాలిక...
    స్వరరాగ గంగ ప్రవాహమే..

చరణం 2:
    చైతన్య వర్ణాల ఈ చైత్ర సుమవీధి
    వినిపించు రాగాలనంతాలులే
    ఈ చక్రవాకాలు ఎగిరే చకోరాలు
    జగమంత విహరించు రాగాలులే
    పిలిచే శకుంతాలు పలికే దిగంతాలు
    పులకింతల పుష్య రాగాలులే
    మలి సంధ్య దీపాలు గుడి గంట నాదాలు
    మౌనాక్షరీ గాన వేదాలులే...

    స్వరరాగ గంగా ప్రవాహమే అంగాత్మ సంధాన యోగమే
    ప్రాప్తే వసంతేతికాలికే పలికే కుహు గీతికా
    గాన సరసీరుహ మాలిక..
    స్వరరాగ గంగ ప్రవాహమే.. స్వరరాగ గంగ ప్రవాహమే..