జేగంటలు(1981) - వందనాలు వందనాలు

1981 లో వచ్చిన"జేగంటలు" సినిమాలో మంచి పాటలున్నాయి..

దానిలో "వందనాలు వందనాలు" పాట.. మంచి మెలోడీ..

ఒక శృంగార గీతాన్ని ఎంత రమ్యంగ తీయొచ్చొ ఈ పాటని చూస్తే దర్శకుడు శ్రీ సింగీతం కి జోహార్లు అర్పించాక మానం.

కొత్త వాళ్లతో తీసిన ఈ సినిమా మంచి హిట్ .. రాంజీ,ముచ్చెర్ల అరుణ కి ఇది మొదటి సినిమా.

మీరు విని ఆనందించండి:

చిత్రం: జేగంటలు (1981)
సంగీతం: కే.వి.మహదేవన్ 
గీతరచయిత:  వేటూరి
నేపధ్య గానం: బాలు, సుశీల

పేదరాశి పెద్దమ్మ కథ(1968) - ఓ జవరాల..ఓ ప్రియురాలా

1968 పేదరాశి పెద్దమ్మ కథ లో నుండి ఒక మంచి పాట.. "ఓ జవరాల..ఓ ప్రియురాలా"

శ్రీ విజయరత్నం గారు రాసిందే .. 

ఈ పాట రామకృష్ణ, విజయలలిత ల మీద చిత్రీకరింపబడింది

మీరు విని ఆనందించండి:

సినిమా ఇక్కడ చూడండి :

చిత్రం: పేదరాశి పెద్దమ్మ కథ (1968)
సంగీతం: S.P. కోదండపాణి
గీతరచయిత: విజయ రత్నం
నేపధ్య గానం: బాలు, జానకి

విజయరత్నం పాటలు

విజయరత్నం పాటలన్ని ఇక్కడ విన్నండి :

పాటలు

కథానాయకురాలు(1970) - తానువా హరిచందనమే

'కథానాయకురాలు' సినిమా లో ఒక మంచి పాట.
"తానువా హరిచందనమే.. పలుకా అది మకరందమే"
శ్రీమతి సుశీల, బాలు ఆలపించిన ఒక హాయైన గీతం...
ఈ గీత రచయితా గురించి మొన్న ఈటీవీ 'స్వరాభిషేకం" లో పరిచయం చేసారు.
ఆయనే "విజయరత్నం"..రాసినవి కొన్ని పాటలైనా మంచి సాహిత్యపు విలువలున్న పాటలు రాసారు.

మీరు విని ఆనందించండి:

సినిమా ఇక్కడ చూడండి : కథానాయకురాలు

చిత్రం: కథానాయకురాలు (1970)
సంగీతం: ఆకుల అప్పల రాజ్
గీతరచయిత: విజయ రత్నం
నేపధ్య గానం: బాలు, సుశీల

పల్లవి:

తనువ.. హరిచందనమే..
పలుకా..ఉహు.. అది మకరందమే

తనువా... ఉహు.. హరిచందనమే..
పలుకా.. ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

తనువా...ఉహు.. హరిచందనమే..
పలుకా..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

తనువా హరిచందనమే..

చరణం 1:

నీ సోయగాలు కనుసైగ చేసే.. అనురాగ లతలు బంధాలు వేసే
ఉహు .. హు .. ఓహో
నీ సోయగాలు కనుసైగ చేసే.. అనురాగ లతలు బంధాలు వేసే

హరివిల్లునై ఈ విరి బాణమే
హరివిల్లునై ఈ విరి బాణమే
గురి చూసి హృదయాన విసిరేయనా.. నిను చేరనా.. మురిపించనా..

తనువా...ఉహు.. హరిచందనమే..
పలుకా..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

చరణం 2:

నీకోసమే ఈ నవ పారిజాతం .. విరబూసి నీముందు నిలచిందిలే...
ఆ...ఆ...ఆ...
నీకోసమే ఈ నవ పారిజాతం .. విరబూసి నీముందు నిలచిందిలే
మధుపాయినై మరులూరించనా
మధుపాయినై మరులూరించనా
ఉయ్యాల జంపాల ఊగించనా.. లాలించనా.. పాలించనా

తనువా ...ఉహు.. హరిచందనమే..
పలుకా ..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

అమ్మాయిల శపథం - నీలి మేఘమా

శ్రీమతి వాణి జయరాం పాటలంటే నాకు చాలా ఇష్టం.
1975 లో విడుదల అయ్యిన "అమ్మాయిల శపథం" చిత్రం లో బాలు, వాణి జయరాం పాడిన -
"నీలి మేఘమా" పాట ఎంతో చాలా బాగుంటుంది.
ఈ సినిమా గురించి ఎంతో వెదికినా దొరకలేదు..
74-75లో వచ్చిన మంచి పాటల్లో... ఇది ఒకటి..

మీరు విని ఆనందించండి:

సినిమా: అమ్మాయిల శపథం (1975)

సంగీతం: విజయ భాస్కర్

రచన: ఆత్రేయ

దర్సకత్వం: జి. వి. ఆర్. శేషగిరి రావు

తారాగణం: రామకృష్ణ, చంద్ర మోహన్, లక్ష్మి,చంద్రకళ

ఈ చిత్రం లోని మిగత పాటలు ఇక్కడ వినండి: అమ్మాయిల శపథం

పల్లవి: 
నీలి మేఘమా జాలి చూపుమా ఒక నిముష మాగుమా 
నా రాజుతో ఈ రాతిరి నన్ను కలిపి వెళ్ళుమా 

కన్నె అందమా కలత మానుమా ఒక్క నిముషమాగుమా 
నీ దైవము నీ కోసము యెదుట నిలిచె చూడుమా 

చరణం 1: 
ఆనుకోని రాగాలు వినిపించేనే 
కనరాని స్వర్గాలు దిగివచ్చేనే 
ఆనుకోని రాగాలు వినిపించేనే 
కనరాని స్వర్గాలు దిగివచ్చేనే 

కలలు పండి నిజముగా కనుల యెదుట నిలిచెగా 
రా.. జాబిలి నా నెచ్చలి.. జాగేల... ఈ వేళ.. నను చేరగా 

నీలి మేఘమా జాలి చూపుమా.. ఒక నిముషమాగుమా 
నా రాజుతో ఈ రాతిరి నన్ను కలిపి వెళ్ళుమా..ఆ..ఆ 

చరణం 2: 
కళ్యాణ మేళాలు మ్రోగించనా 
కంఠాన సూత్రాన్ని ముడివేయనా 
కళ్యాణ మేళాలు మ్రోగించనా.. 
కంఠాన సూత్రాన్ని ముడివేయనా.. 

గుండె గుడిగా చేయనా.. నిన్ను కొలువు తీర్చనా 
నీ దాసినై... సావాసినై... నా ప్రేమ పుష్పాల పూజించనా... 

కన్నె అందమా కలత మానుమా ఒక్క నిముషమాగుమా 
నీ దైవము నీ కోసము యెదుట నిలిచె చూడుమా.... 

ఆ పాత(ట) మధురాలు

నా చినప్పుడు రేడియో లో ఒక కార్యక్రమం వచ్చేది - 'Bhoole Bhikre Geet' అని..
అక్కడ మనం కని వినీ ఎరగని కొన్ని హిందీ పాటలు ప్రసారం చేసే వాళ్ళు..

అలానే తెలుగు లో ఉంటే బాగుంటుంది అనిపించి.. తెలుగు లో అంతగా ప్రాచుర్యం పొందినా తెర మరుగైనా శ్రావ్యమైన పాటల్ని ఇలా ఇక్కడ అందిస్తున్నా...విని ఆనందించండి...ఆదరించండి..

అలానే మీ అభిప్రాయాలని క్రింది కామెంట్స్ లో తెలపండి

ఉపోద్ఘాతము

నా పేరు మోహనకృష్ణ. మాది కాకినాడ..
ఎవరో చెప్పినట్టు.. "మాది కాకినాడ, మేము ఇలాగె ఉంటాం, మేము మాలానే ఉంటాం"

నాకు తెలుగు అన్నా, తెలుగు లో మాట్లాడడం అన్నా మిక్కిలి ప్రీతి.
తెలుగు వాళ్ళమై ఉండి కూడా మనం తెలుగు లో మాట్లడుకోము..
మనం మాట్లాడే తెలుగులో తెలుగు లెస్స....

అందుకే తెలుగులో బ్లాగు రాద్దామని ఎన్నాళ్ళనుండో అనుకుంటూ అనుకుంటూ ఉన్నా., ఇప్పటికి కార్య రూపం దాల్చింది.
నాకు తెల్సిన, నాకు వస్తున్న, వఛ్చిన ఆలోచనలని ఇక్కడ ఆవిష్కరిస్తున్నా.

చూసి, చూపించి ,చదివి,ఫార్వర్డ్ చేసి ఆదరిస్తారని తలుస్తున్నాను ....

తప్పులు ఉన్నా తెలుపగలరు..సవరించుకుంటాను